suntoy

Kung kinsa man nagsulti way rason para mopatay ug tawo kay sigurado wa pa katilaw ug suntoy.

Unsa man nang suntoy? Inday, undoy mao kanang dula sa mga way buot (immature ba) nga mga batang laki kay wa man jud ko kita nga babae na gisuntoy, ka delikado ana uroy basi unsay pay matuslok nuon.

Simple lang ang posisyon. Idikit inyong mga kamot unya siguroa nga gataroy ang inyong duha ka tudlo. Kanang tudlo ninyo nga gamit kung manudlo mo pamasangil sa uban ha? Dili kanang pang pak yu o pangkulkog ninyo nga tudlo kay baho na.

Huna-hunaa lang ang porma ni Eugene sa Ghost Fighter pero ayaw tawn itutok sa ilahang ngil-ad na nawong kay way mogawas na laser gikan sa inyong ray gun diha maski unsaon ninyo ug syagit. Ang buhaton ninyo, sundan ninyo inyo amigo (ayaw imong kaaway kay di na makasabot sa inyo joke maski unsa ka katawanan), assume da posisyon dayon ang inyong kamot, hulata magpuyo na siya, pungko ka sa iya may lubot dapit ug gamita ang inyong tanan kusog (utong ka sama sa upat ka adlaw ka na wa kalibang maski pila ka kapayas na imong gikaon) ug ipaslak nang imong tudlo sa iyang kibot!  

Uso nang suntoy sauna tong hi-skul pa ko. Suntoy didto, suntoy dire. Sumbagay didto, tamparos dire. Unsaon ta man nga daghan man pikon sa kalibutan. Busa ayaw katingala kung square amo lubot sa una kay notebook na siya amo giipit sa amo pantalon. Tanawon ta lang ug di mabali na inyong tudlo kung suntoyon ninyo ang nawong ni sheryl cruz.

Kahinumdom ko tong una ko nasuntoyan. Sama sa daghan pikon, daghan pud tanga ug usa nako didto. Unta diay nakabantay nako nga miabot na diay ang uso pagkakita nko mga studyante sa elementarya nagbaguod ug tabon sa ilahang kibot gamit ilang duha ka kamot. Mao pagsaka nako sa hagdanan padulong sa amo classroom, nakatilaw ko ug suntoy gikan sa ako bestprin. Salamat sa ginoo sa paghatag nako ug mga amigo nga gahuna-huna sa akoa basta na’y uso.  

Wa ko kasabot unsa gibati nako ato, kung kaihion ba ko o kalibangon. Nakatesting naman pud ko nasumbagan sa itlog mao makasulti ko nga lahi ra jud. Sakit tuod ang itlog pero kanang suntoyon ka, mura ka’g bata nga nakakaon ug pan-os na gatas, magsuka-kalibang ka jud sa kasakit. Naa gain ko nasinati nga klasmeyt gikalintura human masuntoyan. Naa pud usa nga misuka, pero bago lang man pud mi nahuman ug paniudto ato unya gisuntoy mintras nagkuha ug tubig.

Tungod kay buotan ko na amigo, syempre mobalos jud ko. Pila ka adlaw ako gipalabay para makalimtan niya iya gibuhat sa akoa. Panghambog niya sa amoa mga amigo giunsa ko niya paglubot. Katawa lang pud ko. Hahahaha! Lagi naisahan ko. Abi niya wa na to sa akoa. Di oy! Wa siya kabalo nga mura ko utok ug bao, di makalimot.  

Nakalugar ko pag pananghid niya nga mangihi lang siya pagulian namo sa udto. Upat ka adlaw na ang milabay pagkahuman ko niya gisuntoy. Sunod ko sa iyaha, gihulat nako nga abrihan niya iya zipper ug igawas iya manoy. Pagsugod niya ihi, luhod dayon ko ug gitusok nako ako duha ka tudlo sa iyang kibot, syagit dayon ug “kabalos na ko!!”

Tawn ako amigo, naihian iya karsones ug sapatos sa kahapdos. Wa siya kabalo kung undangon ba iya ihi o gunitan iya kibot. Syagit siya “Yawa ka bai! Ihian taka karon!” ug dayon tuyok atubang sa akoa. Syempre nakadagan nako. Ambot giunsa niya paguli nga basa kayo iya karsones, basta pagkahapon mi-absent naman to siya. Pila pud ko ka adlaw niya wa tagda. Tsk! Pikon jud.

*************************************************************

Lahi pa atoa. 3^rd year hi skul ko naay nahitabo nga di nako malimtan. Kani lagi magpataka ug suntoy2x maski sa mga di nimo suod. Basketbol to, wa ko labot sa dula kay nag guna ko sa amo CAT (PMT naman guro ang tawag ana karon).

Ambot unsay nahitabo kay nag guna lagi ko ug sagbot pero paglingi nako nag sinuntoyay naman ang mga laki didto nga ganina lang nagtanaw lang sa dula. Undang ko guna kay lingaw man pud ang suntoy basta dili ikaw ang biktima. Ug naay bryt na bata nakahuna-huna ug apilon ug suntoy iya klasmeyt na gadula ug basketbol. Pagdribol sa iya klasmeyt iya dayon gisundan ug gitusok ang lubot. Nangatawa tanan human miambak ang tibaghak! Pagkatapos siya mahuwasan sa kasakit, lingi siya sa nagsuntoy sa iyaha na gatindog gihapon ug gakatawa (Bryt lagi) aron mobalos.

Natingala nalang ko nga gisuntoy man niya sa may tiyan dapita. Nahilom tanan pati ang gasuntoy. Pagsaka niya sa iya polo nga uniporme, nangluspad siya ug wa katingog. Nakita nalang nako nga wala na iya pusod ug naay mitulo na dugo. Gidagan dayon siya padulong sa clinic.

Ako? I was like, ewwww.